|
Reënboë - 'n eenvoudige teken?
|
All by Design,
Dr. Jonathan C. O'Quinn
|
|
|
Die meeste mense kan die skoonheid van 'n reënboog waardeer, maar vir Bybel-gelowige Christene dra reënboë 'n groot getuienis van die heerlike skeppingskrag van die Here God.
Wanneer horisontale ligstrale van die son die boonste gedeelte van 'n sferiese waterdruppel tref, word dit deur breking gebuig en dan intern binne die druppel weerkaats, en verlaat dit by 'n afwyking van ongeveer 138 grade van hul oorspronklike rigting. Ligstrale wat die onderste gedeelte van 'n druppel tref, word op 'n soortgelyke wyse gebuig en verlaat dit by 'n hoek van ongeveer 232 grade. |
By teenoorgestelde punte van die spektrum, word pers lig deur hierdie prisma-werking effens meer gebuig as rooi lig, wat tot 'n verstrooiing van die komponentkleure van wit lig lei; d.w.s. 'n verskynsel wat lei tot die reënboog wat ons sien. Lig wat uit hierdie twee hoeke uitkom, vorm beide die primêre en sekondêre reënboge wat dikwels ná reënbuie gesien word.
Wanneer cirrostratuswolke oorwegend seshoekige ys-kristalle van uniforme grootte bevat, word sonlig wat deur hierdie kristalle gaan, met 22 grade gebreek. Weereens is die afwykingshoek groter vir pers lig as vir rooi lig, wat tot 'n verstrooiing van wit lig lei en 'n klein streep van die reënboogkleure vorm. Dit word 'n 22-grade-halo, of 'n sonhond, genoem.
Genesis Hoofstuk 9 vertel vir ons dat God die reënboog geskep het as 'n simbool van Sy verbond om die aarde nooit weer met 'n vloed te vernietig nie, en Psalm 19 vertel vir ons dat die hemele die heerlikheid van God verkondig. Die hoë mate van orde wat in reënboë en sonhonde waargeneem word, demonstreer dat ons wêreld nie deur ewekansige toeval ontstaan het soos evolusioniste ons sou laat glo nie, maar deur 'n alwetende Skepper.
Bibliography
1. Schaefer, V.J. and J.A. Day. 1981. Peterson
Field Guides—Atmosphere. Houghton-Mifflin Co., Boston, MA, pp. 138–247.
2. Anonymous. Sun Dogs (Parhelia). Retrieved April 24, 2013, from
https://hyperphysics.phyastr.gsu.edu/hbase/atmos/halo22.html#c3
Figure caption:
wea03541, NOAA’s National Weather Service (NWS) Collection Location:
Maryland, Chesapeake Bay, Patuxent River Date: 2008 July 4
Photographer: Mary Hollinger, NOAA/NESDIS/NODC (ret.)
Reënboë - 'n eenvoudige teken?
(Originally published in "Creation Matters" as: Rainbows - A Simple Sign?)
<https://www.creationism.org/afrikaans/CrsCmRainbowsSign_af.htm>
