شاه تتلي جيدا سائنسي ناں دونس پلگپس وا، اے اك وڈي مالٹے تے كالے رنگ دي تتلي اے،جهيٹري عام طور تے شمالي امريكه وچ پائي جاندي اے۔ اے اپني سالانه نقل مكاني دي وجه توں بوهت مشهور هے جهيڑي اے سردياں دے موسم وچ ميكسيكو تے كيليفورنيا دے ميداناں وچ كردي اے، نيشنل جيوگرافك، واليم150، نمبر2، اگست1976وچ ويكھو۔شاه تتلي اپني حياتي دا شروع اك آنڈے توں كردي اے جهيڑا اك جوان ماده عام جنگلي بوٹے تے ديندي اے جنوں ايسكليپس سائريكا كهندے نيں۔ اے لگ بھگ سوئي دے سرے دے سائز جيڈا هوندا اے۔ جدوں تين توں باره دناں بعد آنڈے وچ بچه نكلدا اے تے اے بوهت چھوٹا جهيا چيٹا تے كالياں لكيراں والا كيڑا هوندا اے جهيٹرا لاروا يا كيٹرپيلر ورگا هوندا اے۔ رڑن لئي اوهد ے كول نكياں نكياں آٹھ لتاں دے جوڑے هوندے نيں تے منه دے اجهے حصے هوندے نيں كه اوه پتاں نوں كھاندا اي رهندا اے۔ اے كم صرف اے جنگلي بوٹے دے پتے اي كرسكدے نيں كوئي دوجا بوٹا نهيں كرسكدا۔ ايس جنگلي بوٹے وچ چيٹا ليس دار دودھ نكل دا اے كه جهيڑا دوجے جانوراں لئي بوهت جان ليوا هوندا اے۔ پر اے كيٹرپيلر تے كوئي اثر نهيں كردا، سوائے ايهدے كه اوهدے جسم نوں بوهت زهريله بنا ديندا اے كيونجے اوه جانور تے پرندے جهيڑے كيٹر پيلر نوں بطور ناشته كھاندے نيں اوهناں لئي فير كيٹر پيلر بوهت زهريله تے جان ليوا هو جاندا اے۔ تے پرندے جهيڑے سمجھ نهيں ركھدے اوهنوں جان كے كھا جاندے نيں۔
جيويں جيويں كيٹر پيلر كھاندا جاندا اے اوه وڈا هوندا جاندا اے۔ چھيتي اي اوه ايناں وڈا هوندا جاندا اے كه اوهدي كھل پھٹ جاندي اے، كھل پھٹ جاندي اے تے كيٹر پيلر اك نويں شكل وچ رڑن لگ پيندا اے ايس نويں شكل وچ اوه بوهت زياده ودھ پھل سكدا اے۔ لگ بھگ دوهفتاياں دے بعد اے سار كجھ جهيڑا كيٹر پيلر نے كيتا هوندا اے: پتاں نو كھانا، ودھنا، اپني كھل نوں لكونا تے هور پتے كھانا تے هور ودھ ناں تے اپني كھل نو لكونا۔ اے سار ا كجھ اوه پانج واري كردا اے۔
آخر كار اوه كھانا بند كرديندا اے، تے اك محفوظ تھاں لبدا اے، تے اپنے سرتے كھڑا هو جاندا اے، فير تيزي دے نال ريشم نوں جوڑ دا اے، تے اپني كھل نوں بوهت زياده لكوندا اے۔ پر ايس واري جهيڑا ايس كھل وچوں نكلدا اے اوه پراني كھل توں وڈا كيٹر پيلر نهيں هوندا ، اے اك بند ڈبے دي طرح هوندا اے جيدياں كوئي لتاں تے كوئي اكھاں نهيں هوندياں تے كوئي جسم دا حصه وي واضع نهيں هوندا، جينوں پيوپا كهندا نيں، تے جيدے وچ حياتي اك ارتقائي حالت وچ هوندي اے۔ اے كيٹر پيلر دي طرح بوهت سارے رنگ وچ نهيں هوندا پر ايهدے چمكيلے هرے پيلے دھبے هوندے نيں۔
ايهدے وچ فيركوئي حركت نهيں هوندي، پر اندر حركت هوندي رهندي اے، دل دھرك دا رهندا اے، پر جسم دے دوجے انگ بالكل هري جيلي وانگر فير بنن لئي تيار هوندے نيں، جيويں اي اے اپني شكل بدلے گا تے اے اك نويں مخلوق دے شكل وچ نظر آنا شروع هو جائے گا۔ هرا رنگ هور گُوڑا هو جائے گا تے برائون هو جائے گا۔ كسے نيں كيه خوب اكھيا اے ، كه اے ڈبه انج لگے گا كه مرده اے۔ پر هولے هولے رنگ بدلن دے نال حياتي نظر آئے گي، مالٹے تے كالے رنگ دے نشان نظر آنا شروع هو جان گے، جيويں اك جوان تتلي دے رنگ هوندے نيں۔
آخركار ، لگ بھگ دو هفتاياں دے بعد اے خول ٹوٹ جائے گا، تے اك جوان تتلي نكلے گي۔ ايهدياں چھ لمبياں لتاں هون گياں، منه لمبا جهيا هوے گا تے ناك هوئے گي جهيڑي پھلاں تيكر جان لئي استعمال هوئے گي تانجو اوهدا رس چوس لے، تے پراں دي جوڑي جهيڑي سوكي تے تيلے وانگر پتلي هوندي اے تے بوهت تيزي تے جسم دي طاقت دے نال هلائے جاندے نيں۔ جيويں اي اے كھل دے نيں، تتلي ايناں نوں اپنے پيچھے پكھے وانگر چلاندي اے تے جد تيكر اے پر پوري طرح سوكه كے مضبوط نهيں هوجاندے نيں، ايويں اوه پوري طرح ايناں نوں كھول سكدي اے تے اے سخت تے اُڈن لئي تيار هو جاندے نيں۔
چھيتي اي جدوں تتلي اُدنا شروع كردي اے تے كسے دے باغ وچ پائي جاندي اے، رس چوس د اياں هوياں اپني لمبي تے پتلي چونج دے نال، يا فير اُڈ دي اے اپنے ساتھي دي تلاش وچ تانجو اے سارا عمل فير اك واري كيتا جائے۔
تهاڈي توجه بطور پرچول كرن والے دي طرح ، ايس گل نوں من دي اے، ايس گل دسن لئي كے كيويں اے ساري تبديلي صرف اك حادثے دي وجه توں هوسكدي اے، يا كسي موراثي غلطي دي وجه توں، جيدے كوئي مطلب نهيں، جيدے وچ كوئي ذهانت شامل نهيں، صرف جيوندے رهن دي چاه نے اينوں پيدا كيتا اے، يا جيويں كوئي پراني مخلوق جيدے پر نهيں هون هولي هولي اپنے آپ نوں تبديل كركے تتلي دي شكل وچ آگئي اے۔
اُتے ديتے هوئے عوامل وچوں كيهڑے كم، جناں نوں ايسي شكل و صورت دي تبديلي كهنے اياں، كيه تسي ايس گل نوں تھوڑي دير لئي بُھلا سكدے اوه كيونجے انج دے حادثے هالے تيكر عمل وچ نهيں آئے؟ جے اك جزوي كٹ هوئے تے كيويں انڈے وچوں لاروا، لاروا وچوں پيوپا، پيوپا وچوں اك جوان جسم تخليق پاندا اے؟ سار كجھ موجود اے تے كم كردا اے، بالكل ٹھيك ويلے تے ترتيب دے نال، تے مخلوق مردي اے۔ اے سار كجھ هوندا اے يا اے سارا كجھ نهيں هوندا۔ مينوں كوئي "جھوٹي كهاني"نهيں چاهيدي؛ مينوں سائنسي طور دے نال قابلِ عمل وجه چاهيدي اے تانجو كوئي علم الخلق دا ماهر ميري ايس گل دا مذاق نه اُڈا سكے۔ تے نه اے اينوں "قدرت دا كوئي كرشمه "كهن، جدوں تيكر تسي ايس كم نوں چنگي طرح جان نهيں ليندے، تخليقي نمونه جهيڑا خدا دا اے جينوں قدرت كهندے نے۔ اے گل آپ اي مك جائے گي۔
