Creation Science Information & Links!
The 10 Commandments · Diné bizaad

"1  Áko Diyin God díí saad t'áá ałtso yee hahaasdzíi'go kóní,
2  Shí, Bóhólníihii nihiDiyin God éí Ííjip kéyahdi naalte' danohłį́ yę́ędóó háánihíí'eezhii ásht'į́.
3  T'ááká diyin náánáła' dahólǫ́ǫgo íínísin yíila'.
4  Ha'át'íhígíida bida'alyaii doo ádá ádíílíił da; ha'át'íhígíida yádiłhił biyi'di dahólóonii, doodaii' nahasdzáán bikáa'gi dahólóonii, doodaii' táyi' naaldeehii doo béé'díídlíił da,
5  áko éí doo bich'į' tsé'yaa náníljoł da doo, doodaii' doo bee nahółáa da doo, háálá shí éí Bóhólníihii niDiyin God łe'nízinii nishłį́; da'azhé'é yę́ę doo ákwii ádajíít'įįdígíí éí doo dashidzisdįįdgóó hada'áłchíní náás ahoolchíiłii táadi índa dį́įdi ałk'i ná'ázhchį́įjį' bik'i hwiileehgo bá nináhwiish'nííł,
6  nidi shí baa a'ááh nisinígíí haa shį́į́ néelą́ą'di mííl ádanéelą́ą'go ayóó'ádashó'nínígíí áádóó shibik'eh ó'oo'níiłii yik'eh dahół'íinii bik'idajishdlí.
7  Bóhólníihii niDiyin God bízhi' doo dílzingóó doo ádíílíił da; jó, t'áá háiida Bóhólníihii bízhi' doo dílzingóó ájiilaaígíí bee ádihozhdiilt'i'go Bóhólníihii hak'ijį' yis'ą́ą doo.
8  Háá'áyį́į́h jį́ éí hodílzingo aná'át'áah dooígíí ts'ídá béénílniih.
9  Hastą́ą́h jį́ t'éí nanilnish doo, áádóó t'áá ákódígo nanilnish doo,
10  nidi tsosts'id jínígíí éí Bóhólníihii niDiyin God biháá'áyį́į́h jį́ át'é, áko éí bijį́ doo nanilnish da doo; ni lá, doodaii' niye', doodaii' nitsi', doodaii' diné ná naalte', doodaii' asdzání ná naalte', doodaii' nilį́į́' ał'ąą ádaat'éii, doodaii' dé'éyóní nił hólónígíí éí doo nidoolnish da,
11  háálá hastą́ą́h jį́įjį' Bóhólníihii éí yádiłhił áádóó nahasdzáán áádóó tónteel índa biyi'di dahólóonii t'áá ałtso áyiilaa, áádóó tsosts'id jį́ azlį́į́' góne' hanáályį́į́'; éí bąą Bóhólníihii háá'áyį́į́h jį́ yik'ijisdli' áádóó dílzingo ats'éidiní'ą́.
12  Nizhé'é índa nimá nił nilį́įgo íínísin; Bóhólníihii niDiyin God éí kéyah nihaiidee'aahígíí bikáa'gi as'ahgóó hinínáa doo.
13  Diné ts'ídá doo diyííłhéeł da.
14  Ts'ídá doo adidííléeł da.
15  Ts'ídá doo adíníí'į́įł da.
16  Bił kééhót'íinii ts'ídá t'áadoo t'áá ádzaagóó baa hólne'í.
17  Bił kééhót'íinii bighan ts'ídá t'áadoo bidáninilníní; bił kééhót'íinii be'asdzą́ą́ ts'ídá t'áadoo bidáninilníní; diné bá naalte', doodaii' asdzání bá naalte', doodaii' bibéégashii, doodaii' bitélii ts'ídá t'áadoo bidáninilníní, áádóó bił kééhót'íinii bíhígíí ts'ídá t'áadoo bidáninilníní."  
Exodus 20:1-17


The 10 Commandments · Diné bizaad
http://www.creationism.org/navajo/salv10Cmd_nv.htm



Main:  Navaho
www.creationism.org