|
Die Beer Noodsaaklikhede
|
All by Design,
Dr. Jonathan C. O'Quinn
Vertaal deur Marlize Schutte
|
|
| Die Bybel leer dat God alle lewende wesens volgens soorte geskape het. Ons kan veilig aanneem dat God lewende dinge van die vaardighede wat elkeen nodig het om te oorleef, voorsien het. Met die oog hierop, kom ons kyk na die swartbeer.
Gedurende die tipiese hibernasie-seisoen neem baie fisiologiese prosesse by die swartbeer dramaties af, wat nie gedurende hierdie tyd eet of drink nie, maar vet as die primêre bron van energie gebruik. Verminderde spieraktiwiteit en langdurige honger tydens winterslaap, moet ernstige spieratrofie en gevolglike verlies aan krag veroorsaak. Vreemd genoeg is daar geen noemenswaardige verlies aan maer liggaamsmassa tydens die winterslaap nie, behalwe die lakterende wyfies, wat 'n beskeie verlies van 4 tot 10% van spierproteïne ervaar. |
|
Dit blyk dat op molekulêre vlak 'n aantal spesifieke gene wat kodeer vir ensieme wat vir proteïensintese in skeletspier- en lewerweefsel gebruik word, baie oordadig is tydens winterslaap. Daar is gelyktydig neerregulering van sommige gene wat proteïne-afbreek bevorder, terwyl die afbreek van sommige I-kollageen in bindweefsel noodsaaklike aminosure bied vir proteïensintese. Dit laat swartbere toe om spieratrofie oor lang tydperke van onbeweeglikheid en hongersnood tydens winterslaap te verminder, wat hulle toelaat om uit die winterslaap in die lente redelik sterk te wees, gereed om hul normale aktiwiteite te hervat.
Die eenvoudige en ongelooflike feit is dat hierdie proses outomaties plaasvind sonder dat die swartbeer daaroor hoef te dink. Logies kan 'n biologiese stelsel wat so ingewikkeld, so volmaak en selfreguleerend is, nie in fases of toevallig ontwikkel het nie.
Bibliografie
Fedorov, V.B., A.V. Goropashnaya, et al. 2009.
Elevated expression of protein biosynthesis genes in liver and muscle of hibernating black
bears (Ursus americanus). Physiol. Genomics 37:108–18.
Figuuropskrif:
Swart beer. Photo (WO1927-28) deur Mike Bender.
Danksy U.S. Fish and Wildlife Service.
"All by Design - Die Beer Noodsaaklikhede"
(Originally published in "Creation Matters" as: The Bear Necessities)
<http://www.creationism.org/afrikaans/CrsCmBearNecessit_af.htm>
